此主题相关图片如下：

年末岁尾之际，许多报刊都发表了对今年的回顾。《武汉晚报》上的一篇是仿史记文体、用文言文写成的，文字而且是竖排、从右往左读。通篇没有现代标点，只用句号断开。试着翻译成世界语。发现都变为白话，没有文言的感觉了。(Guozhu)

Kronike pri Cxinio 2008
En 2008, t.e. wuzi-jaro laux la lunkalendaro, okazis multo.
Jarkomence: Plage negxegis en la suda Cxinio.
Maje: Granda tertremo en Sichuan.
Printempe: Tumulto far dissplitistoj por "tibeta sendependigo" en la okcidenta landlima regiono.
Somere: kunvenis en metropolo svarmoj da honorindaj personoj.
Auxtune: sukcese flugis cxielen la spacosxipo Shenzhou n-ro 7.
Ho, estas vere sennombraj eventoj malgxojaj kaj gxojaj por ni!
Kiam okazis la granda tertremo en Wenchuan, la cxefministro rapidis al Sichuan. Vidante la mizere tragedian scenon, li kunvokis geknabojn en klascxambron kaj skribis sur nigra tabulo vortojn: "Malfelicxoj reprosperigas nian landon" kaj parolis pri tio kun levita kapo, rekta spino nesubigeblaj kaj sentime marsxas antauxen kun arda koro. Popolanoj aprobas tian agon kaj memoris tion.
La Pekinaj Olimpikoj ja estas senprecedenca heroajxo en la historio de Cxinio dum jarmiloj. Post 7 jaroj da preparado ni fine sukcese okazigis gxin dank' al la solidara kunlaboro kaj plene prezentis la persistan luktemon de cxina popolo antaux la gastoj el la tuta mondo. Tian fierindan bravecon hodiaux ni povas publike elmontri nur post 30 jaroj da benediktana penado far pionroj. Jen frukto vere malfacile akirebla!
Dume en la fremdaj landoj trans oceanoj okazis aux sxangxigxoj de registaroj, aux uraganoj aux financaj cunamoj, kiuj implikante portis malfelicxojn al Cxinio tiel, ke la kurzo de akcioj falas kiel en frosta auxtuno. Tamen la prudentaj politikoj pri investoj kaj revigligoj unuj post aliaj venas el nia registaro. Nia popolo ja elkore gxojas pro tio.
Okaze de la 30-jarigxo de la 3-a plena sesio de 11-a Centra Komitato de la Komunista Partio de Cxinio, heredante la aferon de antauxaj generacioj, kun akumulado de 30 jaroj da sukcesoj, kun dauxra kredo je marksismo-leninismo, ni brave marsxas sur la vojo por plemampleksa realigo de la mezricxa bonstato kaj komuna ricxigxo en la cxina socio. Tio ja estas granda afero malofte renkontebla ekde la pratempo. Popolanoj sentas aux surprizigxon, aux malgxojon, aux koleron, aux gxojon. Ni ja ne devas teni nin indiferenta. Tial ni speciale faras tiun cxi kronikon pri Cxinio 2008, por ke la nuntempaj homoj akiru novajn sciojn ripetante kion ni travivis. Aux tio servos ankaux kiel spegulo por venontoj en futuro. Kaj ni pie pregxas al la Sanktaj Cxielo kaj Tero, ke ili cxiam benu Cxinion!
（-- el Wuhana Vespera Jxurnalo, p.33, 2008-12-29）