Ek al printempo

—laŭ ĉineska Dekses-Silabo

varm’

eta bloviĝas al farm’

verdigas

teron per herb-svarm’

el

blanka glacia kruel’

glugle l’ flu’

impetas kun ŝvel’

sun’

ĵetas pli varmajn jam nun

radiojn

kun brila fortun’

vent’

blovas jam sen pika dent’

karese

per ĝojiga sent’

ter’

el longa frost’ de mizer’

moliĝas

kun vol’ de esper’

ĵus

ŝosoj kun krevita buŝ’

junverdas

sub pluveta duŝ’

bru’

ĝoja birda sen enu’

muzikas

por reviva ĝu’

nur

vivoj lante kun plezur’

moviĝas

en bela natur’

mond’

la homa en viva ond’

avidas

je rea renkont’

temp’

plene en aroma tremp’

alvenas

jen ek al printemp’