Vulpo kaj Gruo

—laŭ ĉinesko Xijiangyue

1.

invitis gruon vulp’

al granda festeno

kaj promesis sen ĝeno

pri manĝaĵa pleno

gruo lin vizitis

per ĝusttempa veno

surtable pretas sceno

de telera ĉeno

2.

ja bongustaj manĝoj

supoj delikataj

jen en teleroj plataj

de gruo ŝatataj

sed kiel per beko

gru’ per vortoj flataj

suĉmanĝas por palataj

ĝuoj ventrogrataj

3.

por revenĝ’ invitis

vulpon ĉe si gruo

al regala manĝ-ĝuo

de viand-menuo

lia ambrozio

metiĝis sen skuo

en botelon kun truo

por beka konstruo

4.

komforte la gruo

manĝis jen laŭplane

la vulpo provis vane

por ŝovi fazane

la gruo satmanĝis

senzorge tirane

la vulp’ kolervulkane

foriris ŝvit-bane

(adaptita el Ezopa Saĝo de Kalocsay)