71. LA FLEGMA NIKOLAO

　　La juna Nikolao estas tre flegma knabo. Li ne multe ŝatas labori, probable ĉar li estas iom dika.

　　Lia frato Patrik vokis lin: "Nik! Venu, kaj helpu al mi!"

　　Nikolao restis trankvile sur sia seĝo.

　　Patrik refoje vokis sian fraton: "Ĉu vi ne aŭdis, Nik? Venu do, rapide!"

　　Nikolao ne ekmovis sin, kaj diris: "Kial do tiel nervoze, Pat? Mi ne ŝatas fari ion rapide... Mi manĝas malrapide, mi parolas malrapide, mi marŝas malrapide, mi pensas malrapide..."

　　"Vi estas terure maldiligenta, Nik," kontraŭdiris Patrik. "Kio do, ĉe vi, iras rapide??"

　　Nikolao respondis: "Estas simple, Pat. Mi laciĝas rapide!"