6. Eka renkontigxo eterne dauxra

Estas neeble paroli pri Dante sen Beatrice. Gxuste dank' al la inspiro de Beatrice, Dante kreis la mondfaman poemon La Dia Komedio.
En la tria kantiko de la Dia Komedio, kiel angxelo Beatrice gvidis Dante vojagxis tra la Paradizo al Empireo.
Tamen, en la reala vivo, renkontigxo de Dante kun Beatrice okazis nur dufoje dum la tuta vivo, tute hazarde, ecx sen vorto da intersaluto.
Dante mem tiel skribis pri la du renkontigxoj.
Pri la unuafoja renkontigxo.
En sia libro "Vivo Nova" Dante skribis pri sia sento kiam li, 9-jara, unuafoje vidis Beatrice:
"sekretega kamero de la koro, ektremis tiel forte, ke gxi ighis terure videbla ankaux en la plej malgrandaj pulsoj."(Vivo Nova.p13)

Dante ankaux versis en la Paradizo, ke
De l' tag' unua, kiam sxian frunton
  mi monde vidis, gxis tiu cxi vido,
  sxin sekvis mia kanto sen barilo; (Paradizo 30:28-30)
(Traduko de Giovanni Peterlongo)

Pri la duafoja renkontigxo:
"Kiam pasis tiom da tagoj, kiom plenumas nau jarojn post la apero de la gxentilega damo, en la lasta tago cxi tiu mirinda damo aperis al mi kun vestajxo blankega inter du gxentilaj damoj pli agxaj; pasxante sur strato, sxi turnis la okulojn tien, kie mi estis tre timema;......  La horo, kiam min atingis sxia dolcxega saluto, estis ja la nauax de tiu tago" (Vivo Nova p.15)

Tiu cxi alineo poste farigxis fonto de multaj pentrajxoj, el kiuj la plej fama estis "La Renkontigxo de Dante kun Beatrice" far Henry Holiday（1839-1927）, kies reprodiktajxo kiel bk nun estas tre populara en Florenco. [noto 9]

Tiu anekdoto frape allogas nin per jenaj trajtoj:
Hazarda renkontigxo, senfrukta por geedzigxo, dumviva amo, gxisosta sopiro.
Cxinoj facile ekmemoras pri la similaj verkoj en Cxinio, ekz-e "Kanto pri la Feino de Luo-rivero" far Cao Zhi(192-232), "Feniksa Harpinglo" de Lu You(1125-1210), "Ekvido de Belulino" en la fama dramo La Okcidenta Cxambro de Wang Shifu(cx.1260-1336?).

Liu Yu'xi(772-842), poeto de Tang-dinastio, iam versis jenan poemon:

Meandro rivera. Mil salikaj haroj.
Malnova ponteto antaux dudek jaroj.
Cxitie disigxis mi kaj kara mia,
Ve! de sxi plu venis informo nenia.

Ankaux pri ponteto, pri karulino, pri la malnova pejzagxo, tamem forpasis jam senrevene la jaroj, paseo, kaj floragxa belulino. Kie estas retroveblaj la malnova bela songxo?

此主题相关图片如下：