Plensukcese finiĝis la 10-a Ĉina Kongreso de Esperanto en Zaozhuang[世界语学习论坛]

楼主

Plensukcese finiĝis la 10-a Ĉina Kongreso de Esperanto en Zaozhuang

De la 16a ĝis la 17a de novembro en Zaozhuang, urbo de orienta Ĉinio, okazis la 10-a Ĉina Kongreso de Esperanto, kun la ĉeftemo "nova ŝanco, nova platformo kaj nova akcelo". Partoprenis pli ol 300 esperantistoj el 27 ĉinaj provincoj, municipoj kaj Hongkong-a Speciala Administra Regiono, kaj el Japanio, Sud-Koreio, Italio kaj Nepalo. Chen Haosu, prezidanto de Ĉina Esperanto-Ligo, Guo Xiaoyong, la unua vicprezidanto de ĈEL, konstanta vicestro de Ĉina Fremdlingva Eldona Administracio, s-ino Chen Shi, vicprezidanto de ĈEL, direktoro de El Popola Ĉinio, Wang Shinong, direktoro de novaĵoficejo de Shandong-provinco, Ragnar Baldursson, ministro-konsilanto de la ambasadorejo de Islando en Ĉinio, Hu Xiaolin kaj Cao Shenqiang, estroj de Zaozhuang-a Universitato, Lee Jungkee, korea esperantisto kaj estrarano de UEA, Wang Ruixiang, prezidanto de Komisiono de Azia Esperanto Movado ĉeestis al la inaŭguro. Yu Tao, vicprezidanto de Ĉina Esperanto-Ligo prezidis la inaŭguron de la kongreso.

第 2 楼

En la inaŭguro, oni premiis serion da Esperanto-organizoj kaj personoj ĉinaj, kiuj grande kontribuis al la ĉina Esperanto-movado. Dum la kongreso, oni okazigis diskutojn rilate al E-komercado, edukado, junulara laboro, resumo de ĉinaj fervojistaj esperantistoj, kaj aliaj. Kaj oni ankaŭ organizis ekzamenon de KER, Komuna Eŭropa Referenckadro. En la malferma ceremonio naskiĝis la novaj estraranoj kaj kontrolistoj de ĈEL.

Unu el la brilaj punktoj estas malfermo de la Ĉina Esperanto-Muzeo, situanta en Zaozhuang-a Universitato. Ĝi estas la unua E-muzeo de Azio, kiu kolektis objektojn pri Esperanto el la tuta Esperantujo kaj ricevis kontribuaĵojn el pli ol 40 landoj kaj regionoj. Ĝis nun la nombro de objektoj jam superis 26 milojn, inkluzive de libroj, revuoj, diskoj, bildoj, poŝtaĵoj kaj aliaj.

Ĉina Kongreso de Esperanto okazas en ĉiu dua jaro, kaj celas akceli la akademian interŝanĝon kaj komunikadon de diverslokaj esperantistoj ĉinaj. La 11-a Ĉina Kongreso de Esperanto okazos en Kunming, urbo de Yunnan-provinco, sudokcidenta Ĉinio.