dvbbs
收藏本页
联系我们
论坛帮助
dvbbs

>> 向世界语朋友推荐国外好文章,题材不拘,文体不拘
搜一搜更多此类问题 
世界语学习论坛世界语应用区精华文章阅读 Elitaj legaĵoj → Kiel protekti retadresojn?

您是本帖的第 1591 个阅读者
树形 打印
标题:
Kiel protekti retadresojn?
mandio
美女呀,离线,留言给我吧!
等级:版主
文章:2545
积分:22759
门派:无门无派
注册:2006年8月17日
楼主
 用支付宝给mandio付款或购买其商品,支付宝交易免手续费、安全、快捷! 点击这里发送电子邮件给mandio

发贴心情
Kiel protekti retadresojn?

Kiel protekti retadresojn?

Pli kaj pli multaj personoj havas donitaĵojn pri si en interretaj paĝoj. Al ili espereble estas konate, ke simple publikigi sian retadreson en Interreto ne estas tre konsilinde. Ja ne nur viaj amikoj kaj konatoj povas tie trovi vian adreson, sed ankaŭ la dissendantoj de amasreklamo, la tiel nomataj spamistoj, povas trovi ĝin tie, kaj baldaŭ superŝutos vin per reklamoj por Viagra, skribos, ke vi gajnis la ĉefan premion en loterio ktp.

Ekzistas tamen „trukoj” por ebligi, ke viaj konatoj ja povu vidi vian retadreson, dum la spamistoj (kiuj uzas komputilajn programojn por serĉi ĝin) ne povu. Ĉar ne estas ĉiam tre klare, ĉu tiuj trukoj funkcias, MONATO faris kelkajn testojn. Ĝi publikigis en la 1a de julio 2004 en la retpaĝo www.esperanto.be/fel/mon/testo.html kelkajn novajn, ĝis tiam neniam uzitajn, retadresojn. Unu adreson MONATO publikigis sen ajna ĉifrado. Ĝi do estas legebla por homa okulo same kiel por komputilo. En la dua adreso la heliko (@) estis anstataŭigita per #64; (la dekuma alternativo por @). En la tria adreso ĉiuj literoj estis anstataŭigitaj per la dekumaj alternativoj. En la kvara kaj kvina la adresoj estis tute forigitaj kaj anstataŭe iu javskripta programeto montras la retadreson por la uzanto. La interesatoj povas rigardi en la menciita adreso, kiel tio okazis.

Kio estas la rezulto de nia testo? Nu, en la 23a de septembro, do post preskaŭ tri monatoj, alvenis la unuaj spamleteroj kaj virusoj al la unua adreso, al tiu, kiu tute ne estis protektita. Al ĉiuj aliaj adresoj ĝis nun, unu jaron poste, venis eĉ ne unu spamo. Kion do konkludi el tio? Ke la spamistoj estas tre mallaboremaj kaj ĉerpas el la reto nur „nudajn” adresojn, adresojn sen iu ajn formo de ĉifrado. Vi estas sufiĉe sekura, se vi penas nur iom ĉifri ilin. Ekzemple, mia.adreso#64;mia.servilo (anstataŭ mia.adreso@mia.servilo) estas jam bona protektilo.

Por la „specialistoj” inter vi: La supra testo estis farita en HTML-paĝo. La sama testo estis farita ankaŭ en PHP-paĝo (www.esperanto.be/fel/mon/testo.php). Ĝis nun eĉ la neprotektita adreso en la PHP-paĝo ne estis trovita. Ŝajne spamistoj skanas nur paĝojn kun la sufikso .html ...

Pro scivolo MONATO ankaŭ en la retgrupo soc.culture.esperanto publikigis mesaĝon kun nova adreso. Montriĝis, ke al tiu adreso la unuaj spamleteroj kaj virusoj alvenis post nur 12 tagoj.

Paul PEERAERTS
ip地址已设置保密
2008/12/6 11:50:04

 1   1   1/1页      1    
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.51563 秒, 4 次数据查询