dvbbs
收藏本页
联系我们
论坛帮助
dvbbs

>> 向世界语朋友推荐国外好文章,题材不拘,文体不拘
搜一搜相关精彩主题 
世界语学习论坛世界语应用区精华文章阅读 Elitaj legaĵoj → Respondaparato por Skype

您是本帖的第 1674 个阅读者
树形 打印
标题:
Respondaparato por Skype
mandio
美女呀,离线,留言给我吧!
等级:版主
文章:2545
积分:22759
门派:无门无派
注册:2006年8月17日
楼主
 用支付宝给mandio付款或购买其商品,支付宝交易免手续费、安全、快捷! 点击这里发送电子邮件给mandio

发贴心情
Respondaparato por Skype

Respondaparato por Skype

Telefoni per Skype estas unika travivaĵo. Unue, la sonkvalito estas kvazaŭ perfekta, kaj, due, la ideo senpage telefoni, eĉ al la alia flanko de la mondo, estas pli ol agrabla! Certe pro tio la nombro de Skype-uzantoj, ankaŭ inter esperantistoj, ade kreskas.

Ju pli oni uzas la programon Skype, des pli ofte oni konstatas, ke la alvokato ne ĉiam sidas ĉe la komputilo, kaj do ne ĉiam estas atingebla. Tiam eblas ja sendi tekstmesaĝon, sed iuj povas senti la bezonon rapide voĉe komuniki ion kaj ne devi ektajpi.

Tiam helpas Pamela, la respondaparato por la vindoza versio de Skype1. Pamela funkcias tute kiel ordinara respondaparato. Kiam la alvokato ne ĉeestas, Pamela aŭdigas mesaĝon, post kiu la alvokanto povas postlasi mesaĝon. Se dezirate, Pamela povas ankaŭ sendi tekstmesaĝon al ĉiu, kiu altelefonas.

Pamela estas tre bone agordebla. Oni povas mem fari sian propran respondmesaĝon, oni povas agordi, post kiom da sekundoj ĝi respondu al viaj Skype-vokoj, kaj multe pli. Pamela estas havebla en dudeko da lingvoj, al kiuj antaŭ nelonge aldoniĝis Esperanto2.

La baza versio de Pamela estas senpage havebla ĉe www.pamela-systems.com kaj perfekte funkcias. Oni povas transiri al la dua versio, kun pli da ebloj, kontraŭ nur 6 eŭroj. La „plena” versio kostos 14,95 eŭrojn, sed ĉe redaktofino ankoraŭ ne estis havebla. Ĝi promesas diversajn respondmesaĝojn depende de la alvokanto. Se do via koramikino vane vokas vin, vi povas alparoli ŝin per speciala privata aŭtomata mesaĝo! Kaj por alvokantoj, kiuj ne parolas Esperanton, vi povas krei apartajn respondmesaĝojn en aliaj lingvoj. Provu!

1. Pamela funkcias sub Vindozo 2000, XP kaj 2003/servilo.
2. Kiu havas malnovan version sen Esperanto, povas senpage elŝuti la bezonatan dosieron de www.pamela-systems.de/forum/viewtopic.php?t=267.
Paŭlo PEERAERTS
ip地址已设置保密
2008/12/6 11:52:25

 1   1   1/1页      1    
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.04688 秒, 4 次数据查询