dvbbs
收藏本页
联系我们
论坛帮助
dvbbs

>> 介绍读物,指导阅读实践
搜一搜相关精彩主题 
世界语学习论坛世界语学习讨论区阅读天地 Legejo → 《青春之歌》

您是本帖的第 8619 个阅读者
树形 打印
标题:
《青春之歌》
tong
美女呀,离线,留言给我吧!
等级:版主
文章:784
积分:7243
门派:无门无派
注册:2006年8月1日
31
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
3.8
  La rokoj kaj la sablo varmege rostis sub la tagmeza suno. Kvankam vento blovis foje kaj foje de la maro,ŝi jam pluve ŝvitis post kelktempa irado. Kiam ŝi prenis la naztukon por forviŝi la ŝviton,ŝi trovis,ke ĝi entenas konkojn. Ŝi do eksidis sur grandan rokon kaj ĝin malvolvis. Ŝviton viŝante,ŝi komencis sin senti maltrankvila: ŝi ankoraŭ ne ricevis definitivan respondon de la lernejestro pri ŝia laboro,sed ŝi infanece venis vagi apud la maro. Neniam antaŭe ŝi estis tiel sciavida. Kial ŝi,surpaŝinte la teron de Beidaihe,tuj estis tiom fanatike logata de la maro,ke ŝi ĉion forgesas? Ŝi pentis,kaj rigardis ĉirkaŭen per malpaciencaj okuloj. Tie,kie ŝi ripozis,estis dezerta duno. Vidiĝis nek vegetaĵo,nek homo. En la malproksimo konturiĝis vilaĝo,kiu ŝajnis esti Yangzhuang,sed ankaŭ ŝajnis ne. Dum ŝia alpromenado,ŝi estis zorganta nur pri la satrigardo al la ĉirkaŭaĵoj,kaj nun ŝi ne povis retrovi la vojon kondukantan al Yangzhuang. Por urbano,kiu unuafoje venas al ĉi tiu vasta mondo ekster la urbo,vere estas malfacile sin orienti. Ŝi volis iun demandi,sed sur la soleca duno ŝi povis trovi neniun.
  "Nenio; mi daŭrigos la iradon!" Ŝi malsupreniris de la ondanta duno. En sia hejmo,ŝi ĉiam dormis sola en aparta ĉambro; kaj de kiam ŝi havis sep jarojn,preskaŭ ĉiunokte ŝi estis ordonita de Xu Fengying iri sur la stratojn por aĉetoj. Pro tio ŝi havis maltimon. Grandpaŝe irante,ŝi trovis,ke staras antaŭe kelkaj grizaj tendoj,kvazaŭ izolaj insuloj. Ŝi pensis,ke devas esti homoj en ili. Sed kiam ŝi alproksimiĝis,ŝi ne vidis eĉ ombron de homo. Ekster la tendoj senorde kuŝis sur la sablo retoj,fiŝhokoj kaj kelke da eluzitaj fiŝbarketoj renversitaj por sunumo. Kredeble la tendoj apartenis al fiŝkaptistoj kaj ili estis nun laborantaj sur la maro. Kun bedaŭro Daojing haltis antaŭ la tendoj kaj ĉirkaŭrigardis. Subite aŭdiĝis infanaj ploroj de malantaŭ apuda roko. Ŝi tre miris kaj,atente aŭskultinte momenton,rapidis tiudirekten.
ip地址已设置保密
2015/4/13 14:07:22
tong
美女呀,离线,留言给我吧!
等级:版主
文章:784
积分:7243
门派:无门无派
注册:2006年8月1日
32
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
3.9
  Mezaĝa virino,maldika,pala kiel tolo,sidas sub saliko apud roko. Mamnutrante malgrasan infaneton,ŝi estis riparanta per ŝnuretoj rompitan reton. La infano denove ploris post kelkfoja suĉado,dum la patrino senĉese riparis. Daojing paŝis al ŝi,sed ŝi tion ne sentis,kaj restis kun brovoj kuntiritaj.
  "Ne ploru,diableto!" La virino diris al la infano per raŭka voĉo. "Dum panjo ne manĝas sufiĉe,vi devas do toleri,koro mia! ..."
  La infano,tiom turmentata de la malsato,ke ĝi aspektas kiel maldika branĉo,ellasis el buŝo la mampinton kaj ekploris pli furioze,evidente pro tio,ke la mamo de la malforta patrino lakton ne donis. Tiu ĉi,kolerigita,ĵetis flanken la ne finitan reton kaj kriis al la infano,kiu seke ploradis larĝe malferminte la buŝeton:
  "Diableto,mortu do! Mortu,sekvu vian malriĉan paĉjon! Ho,ĉielo! ..." La virino ekklinis sian kapon sur la infanon kaj mallaŭte ploris.
  Antaŭ tiu ĉi bildo,rigidiĝis Daojing,kiu estis volinta ŝin demandi pri la vojo. Anstataŭ vestaĵon,la virino portis nur ĉifonojn,lasante vidiĝi la ŝultrojn kaj la nigre malpurajn genuojn.
  "Mi petas vin,fratino ..." Daojing paŭzis momente kaj parolis per milda voĉo al la virino: "Ĉesu plori! Atentu,ke vi ne premvundu la infanon ..." Ŝi ne sciis kion diri plu kaj volis levi la diŝhirtigitan kapon de sur la brusto de la infano,kiu estis tiel velka,ke ĝi,post kelkaj furiozaj ploroj,povis nur anheli senforte,kun buŝeto larĝe malfermita.
ip地址已设置保密
2015/4/14 21:09:42
tong
美女呀,离线,留言给我吧!
等级:版主
文章:784
积分:7243
门派:无门无派
注册:2006年8月1日
33
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
3.10
  La virino,surprizite,rektigis la kapon,kaj mire balbutis,kiam ŝi trovis antaŭ si knabinon:
  "Kion vi,vi volas? ..."
  Laŭ ŝia paroltono,Daojing sciiĝis,ke ŝi estas de Shandong-provincanino. La voĉo estis plena de konsterno kaj teruro. Daojing forgesis sian intencon demandi pri vojo,kaj diris al ŝi:
  "De alia provinco? Kial ĉi tia? ..."
  La virino senmove rigardis al Daojing per siaj sekaj okuloj,malbrilaj kiel tiuj de la fiŝo. Ŝi estis preta respondi,sed ŝi silentis,alprenis la reton kaj daŭrigis la riparadon. Kaj pasis longa momento,antaŭ ol ŝi komencis murmuri,kvazaŭ al si mem:
  "Ni loĝis en Shandong. Okazis malbona rikolto,kaj ni fuĝis ĉi tien. Oni diris,ke la fremdlandanoj ĉi tie bone pagas la laborulojn,kaj venis ni tri,la tuta familio ... Sed li ... laborinte malpli ol tri monatojn,falis de alte kaj mortis,dum la konstruado de vilao por fremdlandanoj! ..." Ŝiaj manoj haltis,ŝiaj okuloj,malfermegitaj,sin direktis senmove al Daojing,kaj ŝia mieno,sensenta kaj apatia,esprimis pli da malĝojo ol lamento. "Reiri al mia hejma tero mi jam ne povas. Mi petas almozon kaj riparas retojn por la fiŝkaptistoj ..." Ŝajnis al ŝi,ke la studentino,kiu staras antaŭ ŝi,ne sentas abomenon al ŝia malpureco kaj malriĉeco. Ŝi do faris facilan spiron kaj lulis la infanon al la formo. Kun senforta voĉo ŝi daŭrigis: "Fraŭlino,mi ne vivos multan tempon pli,mia infano ankaŭ ... Malsano,sen sufiĉa manĝaĵo ... Se ni estus tion antaŭvidintaj,ni preferus morti kune en nia hejma loko!"
  "Ne gravas,vi sukcesos vivi plu." Daojing diris,ankaŭ murmure. Reaperis antaŭ ŝi la bildo de la hundeto,al kiu oni donis manĝi lakton. Rigardante ĉi tiun malgrasan virinon kaj ŝian velkantan pro malsato infanon,Daojing estis ege ĉagrenita.
  "Ve,pli bone estas morti,ol vivi suferante. Ĝuu la fremdlandanoj kaj la riĉuloj,ve! Ĉu vi,fraŭlino,venis por somerumi? Rigardu,kiel gaje ili ludas sur la plaĝo!"
  "Ne,mi ne ..." Sen fini sian parolon,Daojing rapide foriris,pikite de la lastaj vortoj de la virino.
  La eluzitaj tendoj,la ondanta duno,la hurlanta maro,la susurantaj poploj,la hundetoj kaj ombreloj sur la strando,la somerdomoj luksaj kiel paradizaj palacoj,la tabulo kun la vortoj "ĉinoj kaj hundoj estas malpermesataj trapasi!" ... Ĉio ĉi tio fulme kirliĝis en ŝia cerbo. Regata de malkvieto,ŝi rapidis returne al Yangzhuang.
ip地址已设置保密
2015/4/16 20:26:23
tong
美女呀,离线,留言给我吧!
等级:版主
文章:784
积分:7243
门派:无门无派
注册:2006年8月1日
34
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
4.1
  "Ho,vi revenas,fraŭlino Lin! Nia vilaĝo,tuj apud la maro,havas senkomparajn pejzaĝojn,kiujn vi povas bone ĝui!" Apenaŭ Lin Daojing atingis la ĉambron de la templo,kie ŝi pasigis la antaŭan nokton,Yu Jingtang elpaŝis el ĝi renkonte al ŝi. Ridetis lia tuta vizaĝo,ŝajne eĉ la palpebroj,kiuj senĉese fermiĝis kaj malfermiĝis.
  Antaŭ ol Daojing respondis,li sciigis ŝin fiere: "Hodiaŭ frumatene mi jam iris al la urbo por viziti guberniestron Bao,kiu estas juna kaj havas altan prestiĝon. Antaŭe mi studis kun li en sama lernejo. Estas bedaŭrinde,ke mi ne renkontis lin,ĉar li iris al la provinca ĉefurbo por ĉeesti kunvenon. Sed ne grave,vi povas loĝi kelkajn tagojn ĉe ni,kaj ĉio facile solviĝos kiam li revenos."
  Daojing silentis,rigardante al la flava kaj osteca vizaĝo de Yu Jingtang. Tiu ĉi tuj klarigis:
  "Estu trankvila,kaj restu ĉi tie kiel hejme. Vi ne scias,ke mi estas homo tre amikiĝema."
  "Ne estu ĝenata! Se la afero ne sukcesos,mi reiros al Beiping," diris Daojing. Bolis en ŝi granda malkvieto kaj konsterneco. La kuzo kaj lia edzino forestas; pri la laboro ankoraŭ ne estas definitiva respondo; reiri al Beiping ŝi ne povas pro manko de mono; krome,se ŝi sukcesus reiri al Beiping,kion ŝi tie farus? ... Ŝi rigardis la amason da konkoj sur la tablo kaj enpensiĝis.
  "Ne rigardu min kiel fremdulon,fraŭlino Lin! Kiam mi havos en la estonteco okazon iri al Beiping,ĉu mi ne same pasigos kelkan tempon ĉe vi?" Yu Jingtang diris,kun tia sincero,kiel se li estus ŝia intima amiko,kaj tio iom trankviligis ŝin. Post longa paŭzo,ŝi kapjesis:
  "Dankojn! Se guberniestro Bao baldaŭ revenos!"
  "Certe! Baldaŭ,baldaŭ! Post nelonge! Oh,oh,pasiginte tiom da tempo ekstere,vi ankoraŭ ne tagmanĝis,ĉu ne? La manĝo estas jam preta por vi." Li tuj vokis la pordiston: "He,Gao la maljuna,portu al fraŭlino Lin la tagmanĝon!" 
ip地址已设置保密
2015/4/20 14:47:18
tong
美女呀,离线,留言给我吧!
等级:版主
文章:784
积分:7243
门派:无门无派
注册:2006年8月1日
35
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
4.2
  La maljunulo metis la manĝaĵojn sur la tablon,kaj Yu Jingtang eliris kun kurbiĝinta dorso. Lin Daojing rigardis la patkukojn kaj frititajn ovojn,sed ŝi tute ne havis apetiton kaj nenion prenis.
  Antaŭ ol ŝi forlasis Beiping,kiam ŝi loĝis ĉe Wang Xiaoyan,ŝi estis petinta kelkajn proksimajn samlernejaninojn kaj instruistojn serĉi por ŝi laboron. Nun pasis tuta semajno,sed ŝi ricevis neniun respondon el Beiping,kaj de guberniestro Bao ankaŭ venis nenia novaĵo. L sengustaj vortoj "Oh,oh,ne estos problemo!" de Yu Jingtang komencis ŝin tedi kaj naski en ŝi suspekton pri li.
  "Oh,oh,fraŭlino Lin,estu trankvila,estu trankvila! Ne estos problemo; guberniestro Bao baldaŭ revenos."
  "Oh,oh,permesu min demandi,ĉu vi edziniĝis,fraŭlino Lin? Ĉu vi havas fianĉon? ... Pardonu,ke mi demandis."
  Ĉiutage Yu Jingtang venis al ŝi unu aŭ du fojojn,kaj ripetadis la samajn sengustajn gurditaĵojn.
  "Kial li min restigas ĉi tie? Li diris,ke li serĉas por mi laboron; kial li atendadas tiun guberniestron Bao? Por kio li ĉiam demandis min ĉu mi edziniĝis kaj ĉu vi havas fianĉon?" Kreskis la suspekto de Daojing pri la agoj de Yu Jingtang,kaj ŝi volis forlasi tuj la vilaĝon. Sed,en tiu ĉi vasta mondo,ŝi tamen ne sciis kien iri. Sen alia rimedo,ŝi povis nur resti en Yangzhuang kaj toleri kun dentoj kunpremitaj la turmenton de tia stranga vivo.
  Pasis dek tagoj. La leteroj,kiujn ŝi skribis al siaj samlernejaninoj kaj instruistoj en Beiping por peti helpon en la serĉo de laboro,estas kiel ŝtonoj ĵetitaj en la maron kaj dronintaj seneĥe oni ne scias kien. Ankaŭ ne estis novaĵo pri la reveno de la guberniestro Bao de Yu Jingtang. La koro de Daojing ĉiam pli peziĝis,kaj ŝia vizaĝo ĉiam pli paliĝis. Por eviti la banalajn babilaĉojn de Yu Jingtang,por pasigi tian ĝenan vivon,ŝi restis tutan tagon sur la marbordo.  
ip地址已设置保密
2015/4/21 20:39:32
tong
美女呀,离线,留言给我吧!
等级:版主
文章:784
积分:7243
门派:无门无派
注册:2006年8月1日
36
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
4.2

  Ĉiumatene post la manĝo ŝi tuj iris tien. Rigardante la senliman lazuron kaj la blankajn velojn de solecaj boatoj,kiuj dancetis sur la akvosurfaco,ŝi sentis sian pezan koron malpli ŝarĝita,kvazaŭ varma manplato estus ĝin karesanta. La maro ĉiam plaĉas al ŝi,kvankam ŝi ne plu havis tian intereson,kian ŝi montris en la unua tago,kiam ŝi alvenis al la marbordo,ludante la buŝharmonikon,kolektante konkojn kaj promene ĝuante la pejzaĝon. Ĉu la maro estis kvieta kaj bela kiel ĉarma atlaso,ĉu ĝi bolis de ondegoj kaj hurlis kiel furioza besto,ŝi sidis tutan tagon sur granda roko trempiĝanta en la akvo. Ĉe la maro,ŝi sentis sin kvazaŭ ĉe sia kara patrino. En tiu momento,ŝiaj melankoliaj okuloj longtempe fiksiĝis sur la marakvo; kelkfoje ŝi klinis la kapon kaj mallaŭte vokis: "Panjo!" Post kiam ŝi aŭdis de onklino Wang pri la vivo kaj sorto de ŝia patrino,la patrina figuro ofte aperis en ŝiaj imagoj.
  La kamparanoj kaj geknaboj en la ĉirkaŭaĵo miris ĉiuj pri tiu kurioza junulino,kiu,blanke vestita,sidis sur la roko tagon post tago.
  Tiu ĉi silenta monotono tamen estis rompita. Iuvespere,kiam ŝi gapis al la furiozanta tajdo,iu voĉo ŝin vekis el la sonĝa revo:
  "Estas tempo reiri por manĝi; Gao la maljuna vin atendas."
  Daojing returnis sian kapon kaj trovis brunan kaj maldikan junulon,kiu staris apud ŝi ridetante. En la pasintaj tagoj ŝi ofte vidis lin promenanta sur la strando ne malproksime de ŝi,sed ili neniam interŝanĝis vortojn.
  Kun larĝe malfermitaj okuloj,Daojing rigardis la junulon. Ŝi ne klare aŭdis kion li diris.
  "Reiru por manĝi,kaj atentu,ke via sano ne detruiĝu pro malsato." La junulo ripetis al ŝi,kun afabla voĉo,kiel se li estus parolanta al intima amiko. Li havis harojn kombitajn ambaŭflanken,kaj portis studentan uniformon el flava kepro. Liaj okuloj,kvankam malgrandaj,radiis spritecon kaj inteligentecon. Tia homo,malofte trovebla en la vilaĝoj,ektiris atenton de Daojing. Sed ŝi nur ĵetis al li rigardon,respondis per "Dankon",kaj foriris. 
ip地址已设置保密
2015/4/23 15:19:31
tong
美女呀,离线,留言给我吧!
等级:版主
文章:784
积分:7243
门派:无门无派
注册:2006年8月1日
37
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
4.5
  Ŝi iris sur la mola sablo per hastaj paŝoj.
  La malgrasa kaj pala vizaĝo,la okuloj senesprimaj kiel tiuj de fiŝo,la infaneto ploranta pro malsato kaj la patrino kiu,kun haroj taŭzitaj,ĝemkriis "redonu al mi la infanon!" ... ĉi tiuj figuroj,intermiksitaj,formis tristan bildon,kiu ŝvebis antaŭ ŝiaj okuloj. Ŝi sentis siajn krurojn senfortaj,sian koron premata,sed ŝi pene daŭrigis la paŝadon. Ŝi fariĝis tiel laca,ke ŝi deziregis tuj atingi sian ĉambron kaj kuŝiĝi sur la liton.
  "Hej,blanka kolombeto,haltu,haltu!" bruis ie krioj kun ridoj. Daojing levis la kapon kaj vidis,ke sur la plaĝo kuŝas aro da junaj sinjoroj,tute nudaj. Apud ili senorde amasiĝis belaj savzonoj,elegantaj naĝvestoj,delikataj sunombreloj similaj al fungoj,kaj vinboteloj kun diverskoloraj etikedoj.
  Daojing estis timigita,sed antaŭ ol ŝi komencis foriri,kriis alia voĉo:
  "Flegistino,he,venu,blanka flegistineto! Ni laciĝis,venu masaĝi niajn krurojn!"
  Akompanata de ridoj,tiu ĉi krio atingis la orelojn de Daojing. Ŝi ekkomprenis,ke la krioj kaj ŝercoj celis al ŝi,ĉar ĉi tie en la proksimeco nur ŝi estis blanke vestita kaj ne troviĝis alia virino. Tre kolerigita,ŝi subite sin rektigis kaj iris renkonte al tiuj sinjoroj. Ŝi haltis je dekkelke da paŝoj de ili kaj,kun lipoj kunpremitaj,ilin rigardis majeste. Ŝia fiera kaj malama rigardo verŝiĝis sur ilin kvazaŭ pluvego kaj ilin silentigis. Daojing tiel rigardadis ilin dum tuta minuto,kaj poste ŝi serioze returnis sin kaj deiris aplombe.
  Apenaŭ ŝi faris kelkajn paŝojn,kiam krakis post ŝi denove ridoj.
  "Senhonta!" "Kiel severaj okuloj!" "La blanka kolombeto metamorfoziĝis en vulturon!" ...
ip地址已设置保密
2015/4/27 15:05:57

 37   7   4/4页   首页   1   2   3   4    
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.09375 秒, 4 次数据查询