Ĉagreno en somero

—laŭ ĉineska skemo Sopir-al-sudo

mi vane

nokte de somer’

ŝin atendis sinĝene

forfluis mia esper’

kune kun river’

la vento

blovis susure

kvazaŭ oldul’ suspirus

febla voĉo murmure

svenis senspure

mia kor’

plenis je ĉagren’

pri ŝia ĵurpromeso

pri nia interkompren’

kun duba diven’

maldorme

sidis stulte mi

profunde en pripensad’

ĉu mensogon plektis ŝi

kun senta malpi’