Amatino en la koro

okaze de Valentena Tago 2012

——laŭ ĉineska skemo Shengshengman

en mia kor’

vi amatin’

min amas kun fervor’

sincere dum jaroj

sed sen amor’

sen intimaj tuŝoj

ni kveras

en ĉiu hor’

vi ĉarma

kreitaĵ’

jen de Dia favor’

kun ardanta ador’

mi flegas

vin nure en memor’

vin sekrete

kaŝas, mia trezor’

ja en mian sinon

eterne

vi freŝa flor’

tenu vin

plezura en bonhumor’

Flava rozo

—laŭ ĉineska skemo Shengshengman

kun morna kor’

flavan rozon

je Valentena hor’

mi al vi prezentas

en trista plor’

vian foriron mi

ne volas

sed per ignor’

okula

vi celas

al alia sinjor’

jen en flava rozflor’

vizie

nia dolĉa amor’

voluptema

mia mania bor’

vivece aperas

bedaŭre

nun kun rankor’

adiaŭ

mi diru al vi en for’