Josep. V

Sopire al hejmtero

—laŭ ĉineska skemo Qinyuanchun

mi restadas

multajn jarojn

kun korsufer’

en alia land’

ĉiu-hore

mi sopiras

al la hejmter’

en mia sonĝ’

filmas bildoj

karaj riĉaj en aper’

kun alvok’

al ĝia sino

de ama sfer’

la impona river’

fluadas

kun granda tener’

en mia koro

ĉe ĝi sidas

la gepatroj

de kor-sincer’

kaj rizkampoj

ondumantaj

en orkolora prosper’

oh, ĉio

kare viva en

freŝa aer’