Prete por amor’ (Sopir-al-sudo)
Prete por amor’
—laŭ ĉinesko Sopir-al-sudo*
Jam nokte
jen en tikla hor’
mi soifas kareson
teneran vian, sinjor’,
prete por amor’.
Mia mam’
je via dispon’
estas via ludilo,
ja pufa kiel balon’,
sub via bezon’.
Mia buŝ’
tremas de aspir’
kaj atendas la vian,
vian kison per entir’
kun arda dezir’.
Mia korp’
tordiĝas de flam’
en profundo de l’koro,
brulas al vi mia am’
ja ardanta jam.
Mi sentas
jukon en la kor’,
mi ja ne scias kial,
ĉiam kun amodolor’
ne plu sen pudor’.
Humidas
mia subo jen,
suko fluetas roje,
jam prete por am-festen’.
Ek! sen ajna ĝen’!
Sinjoro,
mi volas pete:
etendu vian manon,
min tuŝu impete
ekagu prete.