Trigo (Peng Zhengming)
Peng Zhengming verkas pri vojaĝo
rekorda per Pasporta Servo.
Eŭropo ĉiam sen rezervo
favoris lin per verd-omaĝo.
Ĉie li sendis al retpaĝo
notojn pri spuroj, vag' kun vervo.
Peng Zhengming verkas pri vojaĝo
rekorda per Pasporta Servo.
Esperanto — ja avantaĝo,
inda konvink' por konservo.
Pruvis travivaĵ' kaj observo
ke l' Tero iĝis jam vilaĝo.
Peng Zhengming verkas pri vojaĝo…
(Guozhu . 2001-07-14)