Li Qingzhao (1084-1155)
Serĉas en svag'
—laŭ ĉineska skemo Shengshengman

Serĉas en svag’
mi solece
kun fridiga imag’.
En ekvarmiĝa temp’
oftas frost-hak’.
Vinglutoj ne povas
rezisti
al vent-atak’.
Grua flug’
ĉagrenas
min pri korsenta pag’.

Ĉie floroj en stak’
velkintaj,
jam mankas florpluk-ag’.
En izolo
mi tranoktos en vak’.
Pluv’ platanon vipas
vespere
kun guta klak’.
Jam nune
trist’ kulminas sen forvag’.

elĉinigis Vejdo

 

Shi Chengtai tradukis laŭ ordinara formo de poemo:

Laŭ melodio Shengshengman (lanta sontreniĝo)

Mi vane ion serĉas, serĉas,
Kiam malĝojas mi, soleca
Tristo emerĝas kaj emerĝas.
Kiam varmiĝas de la frost' vetero,
La tagoj malfacile plej forpasas.
Taso post tas' da vino en vespero
Ventan intenson ne frakasas.
Sovaĝanseroj jen transvenas,
Kiuj ja estas la konatoj,
Dum ĝuste mi ĉagrenas.

Flavkrizantemoj jam disfloras
Kaj velkas ĉiuloke,
Kiujn neniu preni volas.
Mi sidas ĉe fenestro sole,
Do, kiel mi tranoktos senkonsole?
Guton post guto pluvo ĝemas,
Kaj la platanoj ŝajne malfeliĉas,
Ho ve! Pri tio temas,
Ke nur la TRISTI ne sufiĉas.

el "Poemoj de Li Qingzhao" p.32, Ĉina Esperanto-Eldonejo, 2009

 

 

vejdo 老师的读起来更有诗歌味一些。

 

请问vejdo，译文中的 grua flug'（雁过也），为什么用 gruo （鹤）来译“大雁”？