20. FELIĈO-MALFELIĈO

“Pelu mizeron tra l’ pordo,

ĝi revenos tra l’ fenestro.”

FELIĈO pura,perfekta, nemisksita, sennuba, ekstaza, perdita, facile atingebla.

Akiri, perdi feliĉon./ Ebria de feliĉo. Radii de feliĉo. Boli de ĝojo. Naĝi en plena feliĉo. Sopiri al feliĉo. Ĝoji pri ies feliĉo.

Favorato, dorlotato de Fortuno. Mi estas la plej feliĉa homo sur la tero, en la mondo./ Larmoj de ĝojo.

Ĝui per anticipo la estontan feliĉon. Havi fidon pri sia estonteco. Doni al iu antaŭguston de tiu feliĉo./ Feliĉo estas delikata floro. Vitro kaj feliĉo ne estas fortikaj / Pensi nur pri ĝojoj kaj plezuroj. (Vidu: RIĈA) / Nur suferinto ŝatas feliĉon. Esti levita ĝis la sepa ĉielo (= ĉe la supro de feliĉo)./ Homa feliĉo estas pasema.

MALFELIĈO: antaŭflari, sperti malfeliĉon. Vidi ĉion nigra. Pesimismo (por la pesimismo glaso estas neniam duonplena, sed ĉiam duonmalplena).

Certe okazis al li malfeliĉo. Malfeliĉo trafis lin. Li estas la aŭtoro de sia malfeliĉo. Ĉiu forĝas sian sorton. Malforta volo (kiu rompiĝas sur la cirkonstancoj). Amasiĝas obstakloj, baroj, malfacilaĵoj. / Maljusteco de la sorto. Ne havi bonan ŝancon. Peza bato de la sorto. Submeti sin al la sorto. Pro kio vi kolerigis la Fortunon, ke ĝi...

Barakti en financa embaraso. Esti en tre premita situacio. Malriĉa kiel muso preĝeja. Mi simple kaj litere, ofte, ne havas eĉ kion manĝi, per kio min vesti. Krom la vestaĵo sur la korpo mi posedas nenion. Li havas tiom, kiom li surhavas. / Jen la fidela bildo de mia situacio./ Pezaj zorgoj premas mian bruston. 

Ŝuldi al iu monon. Droni en ŝuldoj. Sidi en ŝuldoj ĝis super la ŝultroj. Amasigi ŝuldon sur ŝuldon. Li ne volis sin devontigi ( en la futuro ) al pagado de grandaj sumoj. Ne sufiĉas ploro al kreditoro. Datfalo (kiam oni devas pagi ŝuldon).

Lombardi . Lombardejo./ Mi promesas, ke mia ŝuldo estos pagita la 9-an de Majo. (Mi senŝuldiĝos, kvitiĝos la 9-an de Majo).

Havi multe da zorgoj. La zorgo manĝas la homojn. Sidi en vera kaĉo, ĝiskole en la peĉo. Implikiĝi en malagrablaĵoj. Maro da mizeroj. Suferoj ne venas izolitaj . Ŝi staris ankoraŭ ĉe la komenco de sia Kalvaria vojo./ Alporti al iu la misfortunon. Redukti iun al mizero. Amarigi , veneni, maldolĉigi la vivon al iu. Alkonduki iun al mizero.

Niaj esperoj falis en abismon. Enfali en malesperon. Treni sian mizeran ekzistadon . La fundo de mizero. Suferi grandan , profundan mizeron./ Ĉiu havas sian kaŝitan mizeron./ Senfina litanio da plendoj.

Persekutita de la fatalo. Lamenti . Ĝemi. Veki kompaton. Eksenti kompaton al iu, pro io. Rigardi la aferon kun (pli)kompata okulo. Ĉiu estu bona kaj kompaema al sia frato. Aktiva pruvo de kompato. Kompatinda. “Povra”. Pli bone estas enviigi ol kompatigi./ Emociiĝi antaŭ tia mizero.

Tio premas, fendas, ŝiras, traboras la koron. Havi bonan koron. Vi estas tre bona kontraŭ mi./ Abnegacio. Havi ŝtonon por koro. “Dura”, malmola koro. Lasi iun en peĉo.

Fidu la Providencon. Rekmendi paciencon. Ne perdu la esperon. Kie estas sufero, tie ankaŭ estas espero. Gardi esperon. Nur la espero tenas lin vivanta. Pala lumradio, lumstrio de espero. Fajrero da espero. Estas nenia motivo por malesperi. Nutri, dorloti, flegi (belan) esperon. Luliĝi en ia espero. Mi esperas, ke mi min helpos. Tio(= helpo) estis pli ol mi kuraĝis esperi. Ĉerpi esperon el io.

Vana, detruita, neplenumita, iluzia, efemera, kaduka espero./ Maldolĉa sento de neplenumita espero. La espero cedis lokon al plena disreviĝo.

Lia espero montriĝis trompa. Esti trompita en siaj esperoj. Enabismiĝi (= sinki en abismon).

Rezigni pri ĉiuj esperoj. Liaj esperoj disfalis, forfalis en la abismon. Diri adiaŭ al siaj lastaj esperoj. Estingiĝis ŝia lasta espero. Li melankolie rigardis la ruiniĝon de siaj lastaj esperoj. La fortuno sin turnis kontraŭ li, lin forlasis, perfidis.

Cedi , fordoni sin al ĉagreno, al tristo. Droni en tristeco. Konsumiĝi de tristo. Frunto ombrata de malgajaj pensoj. Ombraj tagoj. Tre afliktita, deprimita. Deprimo (= depresio) / Maltrankvilo, anksieco, angoro: tri gradoj de unu sama stato.

Troviĝi en prema, ekstrema situacio, sen eliro, pli kaj pli neelportebla.

Trafi de Scilo al Ĥarbdo, el pluvo en riveron, el sitelo en barelon, el fajro sub flamon. Mizero sur mizero. Kion fari? - estu kiel estos.

Mizero instruas, hardigas la korojn. Instruita de la malfeliĉo, de la malriĉeco.

Laboro asekuras kontraŭ mizero. Serĉi konsolon en preĝo./ Preni sian sorton en propraj manoj. Pistu triston, ŝutu ĝin en venton. Forĵetu la malĝojon.

Malfeliĉo ofte kunigas la homojn, kaj feliĉo ofte disigas ilin. Amiko fariĝas frato en mizero. Tiu malfeliĉo cementis ilian amikecon. Al malfeliĉulo decas kompato de amiko.

Bonfaron oni facile forgesas. Bono farita ne estas perdita. Pagi al iu bonon per malbono.  Nedankema. Mi montros min inda je via konfido. Ne moku mizeron de alia, ĉar baldaŭ venos via. 

Malriĉeco ne estas malvirto.

Mizera, kripla almozulo. Vagulo, ĉifonulo, vagabondo, “trampo”.

Almozdoni, almozpeti (= almozi). Vivo peralmoza.

Kiu donas rapide, donas duoble.

Malsata stomako orelon ne havas.

Sociala asistantino.