.gif)
楼主
第381个聊斋故事讲道士预言之神奇和灵验，但道士却归功于鸟语。既然是鸟儿，当然可以直言不讳，不怕贪官的打击报复。对于仙人之儆戒，惜乎危厉熏心者，不之悟
也！这也是通病吧。
此主题相关图片如下：
§381. Niao Yu 鸟 语
BIRDLINGVO
Taoisto almozpetis en vilagxo de Henan. Mangxinte li auxdis orioltrilon, kaj avertis la mastron pri incendio. Oni demandis pri la kialo. Li respondis: "Jxus la birdo alarmis:‘Incendio, timinde!'"
Cxiuj auxskultantoj ekridis neglekteme, kaj nenion faris prevente.
La sekvan tagon, okazis efektive brulego kiu damagxis plurajn domojn. Nur tiam oni ekmiris pri la taoista antauxdiro. Trudigxemuloj postkuris kaj titolis lin dio. Sed la taoisto diris: "Kiel mi meritas la titolon de dio? Fakte mi nur hazarde povoscias la birdlingvon."
Okaze sur arbo ekpepis nigre makulita birdo. Oni demandis kion gxi diras.
La taoisto respondis: "La birdo parolas:‘naskigxis en tago sesa, sed mortos en la dekkvara, deksesa.' Tre eble naskigxis al tiu familio gxemelo. Hodiaux estas la deka de la monato, do, en malpli ol kvin aux ses tagoj ambaux la novnaskitoj mortos."
Pridemandinte oni trovis ke efektive naskigxis gxemeloj, kiuj poste mortis gxuste en la datoj antauxdiritaj de la taoisto.
Informigxinte pri la mirindajxo, la guberniestro alinvitis lin kiel gaston. Okaze anasoj preterpasxis. La guberniestro pridemandis kaj la taoisto respondis: "Certe edzinoj de Via Mandarena Mosxto malpacigxas inter si, cxar la amasoj kvakadas:‘Ba, ba, maljusta favordono, maljusta!'"
La guberniestro konvinkigxis, cxar li gxuste estis elpelita de siaj edzino kaj kromedzinoj interkverelantaj.
Li do restigis la taoiston en sian oficejon bone regalata, kies interpreto pri birdparoloj de tempo al tempo mirinde trafis. Tamen la taoisto simplanima ofte parolis senbride, neniam skrupulante.
La guberniestro estis ege avidema. Cxiun provizajxon en la oficejo li proprigis al si monrimede. Iutage, kiam ili kunsidis, ree preterpasxis amaso da anasoj. La guberniestro redemandis.
"Hodiaux" respondis la taoisto, "la kvakado malsamas ol tiu lastfoje. ili ja faras kalkulon por via mosxto."
"Pri kio?"
"Ili kvakas:‘kandeloj cent okdek, argxentoj mil okcent.'"
La guberniestro hontis, suspektante ke la taoisto lin mokis.
La taoisto petis forpermeson, sed la guberniestro ne donis.
Post kelkaj tagoj, dum festeno ekauxdigxis kukolon. Responde al gasto, la taoisto interpretis: "La birdo kukuas:‘Eksoficigon.'"
Cxiuj gastoj paligxis de konsterno, dum la guberniestro, furioza de kolerego, ordonis ke lin tuj forpelu. Sed, post nelonge, la guberniestro efektive deofivigxis pro skandalo de malversacio.
Ho ve! Jen averto de dio, kio tamen bedauxrinde ne tiom efikas por tiuj avidemuloj.
En Shandong-provinco oni nomis cikadon shaoqian( sxauxcxjan, homofone kiel 'iom promociigxi') kaj tiun verdan duliao ( duljaux, homofone kiel 'ambaux fiaski').
En gubernio vivis patro kaj filo, ambaux instruituloj punitaj pro malbonaj rezultoj en ekzameno. Foje ili iris por partopreni en la trijara ekzameno. Cikado ekfalis sur lia basko.
"Ho, ‘iom promociigxi'! jen bonauxgura cikado!" gxojis la patro.
Sed iu servo-knabo atente rigardis kaj diris: "Ne ‘promociigxi'! Nur ‘ambaux fiaski'!"
Auxdinte tion, la patro kaj filo ambaux kvazaux estis versxitaj per sitelo da malvarma akvo. kaj rezulte ili ambaux efektive fiaskis en la ekzameno.
