dvbbs
收藏本页
联系我们
论坛帮助
dvbbs

>> 向世界语朋友推荐国外好文章,题材不拘,文体不拘
搜一搜更多此类问题 
世界语学习论坛世界语应用区精华文章阅读 Elitaj legaĵoj → Fabelo de la reĝo kaj la besto

您是本帖的第 825 个阅读者
树形 打印
标题:
Fabelo de la reĝo kaj la besto
mandio
美女呀,离线,留言给我吧!
等级:版主
文章:2545
积分:22759
门派:无门无派
注册:2006年8月17日
楼主
 用支付宝给mandio付款或购买其商品,支付宝交易免手续费、安全、快捷! 点击这里发送电子邮件给mandio

发贴心情
Fabelo de la reĝo kaj la besto

Fabelo de la reĝo kaj la besto

de Michele SAVIGNAT BELHOTE

Aperis en Ondo da Vero 30, trimonata informilo de TIETTI-Instituto de Esperanto en Togolando


Antaŭ multaj jarcentoj, juna reĝo regis kun la helpo de sia fidela kaj aĝa ministro. Tiu ĉi saĝegulo havis la ideon doni al la princo lecionon.

Li proponis, ke oni vindkovru la okulojn de kvin viroj. Tiuj ĉi priskribu unu parton de besto, kiun la princo devus poste nomi laŭ la priskribo. La princo, kiu amis surprizojn ĝoje akceptis, kaj la viroj blinde tuŝis la beston.

La unua viro diris, ke la besto estas tre granda, kurba. La dua rideme diris, ke la besto estas ne tre granda, konvena por ĉasi muŝojn. La tria diris ke la besto similas al piliero. La kvara flustris timeme, ke la besto similas al dikega moviĝema serpento kun kava kapo, kvazaŭ fantomo. La kvina asertis, ke ĝi estas kiel granda flugilo. La princo aŭskultis bonege kaj scivoleme, sed malgraŭ multe da cerbumado ne povis diveni la nomon de la besto. La ministro diris "Elefanto ja estas la besto la unua viro tuŝis la ventron, kaj deklaris ĝin kurba. Li tute pravas, en tiu loko elefanto estas tia. La dua tuŝis la voston, kaj trovis ĝin malgranda kompreneble li pravas, eta estas la vosto. La piedon tuŝis la tria, oni ja povas kompari ĝin al piliero. La kvara tuŝis la rostron tute prave en tiu loko li parolis pri dika serpento. La orelo bone similis al flugilo por la kvina viro. Do ĉiu homo ĝuis malsimilan situacion, li sentis malsimilaĵojn. Neniu havis la konon de la tuta besto. Eĉ Vi, mia Moŝto, kiu ricevis la verajn ateston de kvin personoj, ne kapablis diveni..."

"En la estonteco, pensu pri tiu sperto, mi petas. Estu modesta, aŭskultu ĉiujn vidpunktojn, Moŝto mia", finis la ministro, "oni devas multe klopodi por scii, kia reale la mondo estas. Sole oni vidas unu parton, sed kiun? Plurope oni havas plurajn vidpunktojn, sed kiel kunordigi ilin?"

ip地址已设置保密
2008/4/26 11:34:38

 1   1   1/1页      1    
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.03223 秒, 4 次数据查询