dvbbs
收藏本页
联系我们
论坛帮助
dvbbs

>> 向世界语朋友推荐国外好文章,题材不拘,文体不拘
搜一搜更多此类问题 
世界语学习论坛世界语应用区精华文章阅读 Elitaj legaĵoj → Ĉu senfuma Eŭropo?

您是本帖的第 1768 个阅读者
树形 打印
标题:
Ĉu senfuma Eŭropo?
mandio
美女呀,离线,留言给我吧!
等级:版主
文章:2545
积分:22759
门派:无门无派
注册:2006年8月17日
楼主
 用支付宝给mandio付款或购买其商品,支付宝交易免手续费、安全、快捷! 点击这里发送电子邮件给mandio

发贴心情
Ĉu senfuma Eŭropo?

Ĉu senfuma Eŭropo?

Post kiam unue Irlando kaj sekve Italio malpermesis fumadon en trinkejoj kaj restoracioj, nun Eŭropa Unio (EU) cerbumas pri simila tuteŭropa leĝo.

Laborgrupo de la Eŭropa Parlamento alvokis la Eŭropan Komisionon listigi tabakfumon plej eble rapide kiel kancerigan elementon de la unua kategorio. Tio signifus, ke ĉiuj dungitoj devus esti protektataj kontraŭ fumo.

La nova EU-komisionano pri sano, la kiprano Markos Kyprianou, deklaris, ke fummalpermeso ĉe laborejoj kaj aliaj publikaj lokoj estus „la venonta grava paŝo, kiun Eŭropo devas entrepreni”. Li imagas, ke tuta EU sekvos ĝis 2009 la ekzemplon de Irlando. Similaj leĝoj jam ekzistas en Svedio kaj Malto. La problemo estas, ke EU disponas pri nur tre limigita leĝofara povo en la sanpolitiko.

Pulmomalsanoj

Eŭropaj parlamentanoj jam subtene diris, ke oni devus trovi la ĝustajn mezurojn por protekti kontraŭ pasiva fumado, ĉar, kiel pruvite, ĝi altigas la riskon je pulmaj malsanoj. Tamen ankaŭ la 25 EU-membroŝtatoj respondecus pri ŝanĝoj en sia ŝtata sanpolitiko. Opiniis germana EU-parlamentano: „Eŭropo ne povas esti respondeca por ĉio.”

Kyprianou nun planas novan publikrilatan kampanjon kontraŭ fumado. Malpermeso de tabakfumo en la laborejoj ankoraŭ ne aktualas, konfirmis komisiona porparolanto. Kelkaj en la Eŭropa Parlamento reagis kontentaj: ili regule malrespektas la ŝildojn, malpermesantaj fumadon en la propra parlamento kaj laborejo.

Fumĉambro

Kontraŭfuma malpermeso ne okazos sen problemoj. Ekzemple, ekde la 10a de januaro italaj fumantoj ne plu povas apogi sin kun cigaredo kontraŭ la verŝejo de preferata trinkejo, same ne en restoracioj, diskotekoj aŭ kafejoj. Ankoraŭ eblas fumi, sed nur, se la trinkejestro instalis multekostan apartigitan fumĉambron kun speciala aerumsistemo, aŭ antaŭ la pordo. Tria eblo estas malrespekti la leĝon, sed oni tiam konsciu pri la financaj konsekvencoj. Trinkejestrojn minacas monpunoj ĝis 2200 eŭroj, gastoj devas pagi 250 eŭrojn. Kiu ekflamigas cigaredon apud gravedulinoj aŭ infanoj pagas la duoblon. Ĉiu trinkejestro devas denunci fumantan klienton.

Pro altaj teknikaj postuloj kaj kostoj verŝajne 90 % de la trinkejestroj rezignos pri speciala fumsekcio en sia trinkejo. Malgraŭ forta kontraŭlobiado de la tabaka kaj gastronomia sektoroj, laŭenkete 83 % de la italoj subtenas la leĝon. Surpriza konstato en lando, kie ĉirkaŭ 14 milionoj de la 58 milionoj da italoj estas regulaj fumantoj. La tutlanda cigared-vendado malpliiĝis je 23 %. Dum kontrolo malpli ol 1 % de la kontrolitaj lokoj malobservis la leĝon.

Sed ja ne estas granda problemo. Surstrate kaj hejme la italo rajtas daŭre fumi.

Marko Naoki LINS
ip地址已设置保密
2008/12/7 9:34:10

 1   1   1/1页      1    
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.04688 秒, 4 次数据查询