Patrino en majo

okaze de Patrina Tago 2010

—laŭ ĉineska skemo Pozhenzi

patrino en majo

laboras kun obstin’

per profunda sentiment’

tra multaj jaroj sen fin’

kaj kultivas nin

patrino en majo

surportas per la spin’

grandajn devon kaj ŝarĝon

kontraŭ mizera destin’

kiel rekta pin’

patrino en majo

renkontas per toler’

la palan perspektivon

plena je fida esper’

super barier’

patrino en majo

penas kun vola fer’

vivteni l’ familion

kontraŭ embuska danĝer’

sen ajna desper’

patrino en majo

plenumas kun promes’

dumvive la vivcelon

strebante kun sinforges’

por nia neces’

patrino en majo

flegas ame sen ĉes’

vundojn niajn en la kor’

por vidi nin en progres’

en brila sukces’