En senlaboraj tagoj

—laŭ ĉineska skemo Santaici

min batadas vipe

soleco kaj ĉagren’

ĉu en frida ĉambro

aŭ en trista ĝarden’

vagas mia penso

de domo al domo

por peti laboron

jen kiel fantomo

antaŭ mi aperas

malvarma vizaĝo

kun senhelpeco kaj

esprim’ de domaĝo

min plej dolorigas

alies aĉeto

de aŭto kaj domo

kaj riĉa dieto

kie mia povo

aĉeti per mono?

kial diligento

mia sen dispono?

mi jam oldas fakte

sen korpa fortiko

eble mi ne montras

min jen per efiko

mi trenadas tempon

malgraŭ taga tedo

mi eltenas sorton

per senhelpa cedo