Al mia retamikino Belpura (Busuanzi)
Al mia retamikino Belpura
okaze de ŝia naskiĝtago 2011
—laŭ ĉineska skemo Busuanzi
ĉiuvespere
en nokta kviet’
vi ja sendas saluton
per la interret’
vi ne impresas
per vanga koket’
sed per arĝenta voĉ’ al
babila duet’
en ĉi gaja hor’
al vi Belpura
mi sendas bondeziron
kun sent’ plezura
akompanu vin
feliĉo nura
kaj sentimento ĝoja
en viv’ futura