Vizito al antikva urbeto

—laŭ ĉinesko Sopir-al-sudo

Por ni tri

estas plezura

la vizit’ al l’ urbeto.

Igas pejzaĝo rura

la koron pura.

Fluetas

tre klara rojo

ronde ĉirkaŭ l’ urbeto.

Paŝas sur kota vojo

homoj kun ĝojo.

En bazar’

navedas homflu’.

Libere el kamplabor’

Homoj sin distras kun ĝu’

kun babila bru’.

Ŝtonponto

Staras impone.

Ĝi vidas travivaĵojn

pasintajn nepardone

kaj atest-done.

Muelil’

laboras pene

jen por mil familioj,

spite modernon plene

zumas senĝene.

Kabanoj

el lign’ fortika

spertas cent-jaran provon

de ŝtormo pereiga,

tondro panika.

Kampuloj

simplaj en paco

kamplaboras kaj vivas

de natura donaco

sen ajna laco.

Volontas

ni ne foriri

de la aminda tero

jen kun emo sopiri,

bedaŭr’ suspiri.