78. ONI NE OFENDU ALIAJN PER INSULTOJ!
La du dek-jaraj kamaradoj Hans kaj Luns disputis pro iu bagatelo. Hans, en kolero, insultis sian kamaradon Luns: "Vi estas kamelo!"
"Ĉu vi kuraĝas ripeti tion?" bataleme ekkriis Luns.
"Ne," diris Hans kvietige, "mi eraris."
"Kion vi volas diri per tio?" demandis Luns.
"Mi pensis pri iu alia," respondis Hans.
"Pri kiu alia??" scivoleme pludemandis Luns.
"Pri... pri iu, kiu similas al vi," fine klarigis Hans.