94. APRILA ŜERCO
Estis la unua de aprilo. Tial, Erik Deldo decidis ŝerce telefoni al iu juna vendistino, en viandejo.
"Hallo!" diris la vendistino, kiam sonoris la telefono.
"Hallo?" demandis Erik. "Kiu estas tie?"
"Ĉi tie estas la viando-vendejo Molmar," klarigis la vendistino. "Kion vi deziras?"
"Mi volus demandi ion, fraŭlino," daŭrigis Erik, kun mistera voĉo.
"Kion vi volus scii?" demandis la junulino.
"Mi volus scii," klarigis Erik, "ĉu - eble - vi havas porko-orelojn."
"Ho jes!" tuj respondis la servema servistino.
"Se vere," diris Erik malice, "bonvolu rapide sendi al mi ...fotaĵon de vi!"