27. KOMERCO

Aĉeti, vendi firme, kontante, kredite, monatpage, pogrande, popece, pometre, malprofite, telkele, aŭkcie ( per plidono), je minimuma, fiksa, modera prezo.

Fari komercon. Vendi ion por iom da neniom. Vendi ĉapelon por (kontraŭ ) 10 frankoj. Vendi ĉion por plej bagatelaj prezoj. 150 rublojn la frako kostas kaj en la bazaro, li ĝin forblovis por dudeko da rubloj. Kiel per turno de mano, ĉio malaperis. Por tiu prezo la vesto ne estas kara ( estas “ĉipa”).

Ŝakri. Brokanti. Bolporti. Tiu drapo kostas po dek frankojn por metro. Aĉeti vinon po dek boteloj. Vendi cigarojn po skatolo.

Vendado de artiklo estas facila, malfacila, deficita, profitdona./ Tiu komercaĵo havas grandan debiton./ Debiti.

Konkurenco lojala, mallojala. Fikomercisto./ Reĝimo de libera konkurenco. Prospera komerco./ Altigi la prezojn.

Por vendisto mensogo estas necesa apogo. La bazaro estas tenata ĉiun merkredon. Fiŝbazaro. Pulbazaro./ La legombazaro montris la tutan gamon de verdo. Iri serĉi provianton en la kamparo, en la bazaro./ Fruaĵoj./ Ĉu sufiĉas la provizo da viando?

Oferti , proponi varon al kliento. Garantii pri la kvalito de varo. Mane pesi brasikon./ Fari bruan reklamon ( per afiŝo, per afiŝhomo, prospektoj). Reklami , tamburi, tamtami, distrumpeti.

Proponi tre avantaĝajn, definitivajn, firmajn prezojn. La ondiĝo de la prezoj./ Tro pipritaj, salitaj prezoj. Intersezonaj rabataĵoj. Vendi rabate. 50% da rabato. Aĉeti, pagi kontante./ Apunto.

Marĉand(ad)o aĉeti ne devigas. Ekzameni ne devigas preni. Oni donas nenion por nenio. Kostu, kiom ĝi kostos, mi... Je kia ajn kosto. Akiri ĉiapreze. Pagi per bonaj, sonantaj taleroj. Ĉiu malfruiĝo ĉe la pagado ĉesigos la liveradon./ Deponi sumon en la manojn de triulo ( kiel garantiaĵon). Demonstristo. Barazulo. KREDU MIN, SINJORINO.

Magazeno, butiko, ĉiovendejo, superbazaro. Ĉenbutiko./ Komerci je propra konto. Diversfaka komerco. Multklienta butiko./ Komiz(in)o. Eksponi robojn en la fenestro de la magazeno. La morta sezono por la ĉapelistoj. Sezona komerco. Inventari siajn komercaĵojn. Malkovri, anonci deficiton.

Kalkuli la kasmonon en la fino de la tago. Trovi la kason malplena. Kompensi./ Fakturo. Debeto. Kredito. Saldo./ Ekpago. Kvitanco.

Trabutiki. Rigardi kaj aspiri ne signifas akiri. Ju pli granda la deziro, des pli kara la akiro. Tiu magazeno afiŝas grandrabatan vendon./ Mi ne povas permesi al mi la aĉeton de tiuj luksaĵoj (kiuj) ĉiam atingas altan prezon. Mi domaĝas la prezon./ Mi akiris...on je malalta prezo.

Grandakomercisto. Riĉiĝinta komercisto. Enketi pri la solventeco de negocisto./ Vojaĝa, migra komizo. La provizo de komerca reprezentanto, vojaĝanto. Havi agenturon en sukero, Portovino./ Kiu estas via agento en Parizo?

MERKATO de la lano, kafo. La Eŭropa Merkato. La libera merkato. La nigra merkato. La sukermerkato estas saturita./ Serĉi novajn merkatojn. Studo pri novaj merkatoj. Oni devas fari merkatesploron tute larĝan./ Inundi la internacian merkaton per siaj produktoj.

Ju pli da aĉetantoj, des pli alta la prezo. Oferti je plej bonaj kondiĉoj. Leĝo pri ofertado kaj mendado. Negocaj aferoj estas severaj. Kiel statas, iras la komerco? Ĝi stagnas./ Konjunkturo.

Makleristo. Kurtaĝo. Borso pri kotono, lano. Kurzo. Spekuli pri la greno, ĉe la borso. Spekulaj manovroj. Akcioj kvotitaj ĉe la borso.

Borso firma, malvigla. Komerca ĉambro.

Faktorio. Staplejo. Konsorcio./ Eksporti. Bilanco de eksterlanda komerco.