Bakin estas konata pro siaj romanoj kaj prozoj. Fakte li ankaŭ estas tre elstara tradukisto. Li tradukis pli ol 50 librojn el fremdaj lingvoj, kiaj romanon “Patroj kaj Filoj” verkitan de Ivan Sergeeviĉ Turgenev kaj artikolon “Nefermita letero al la junularo” verkitan de Pegr Alekseeviĉ Krobotkine. Kvankam li diris, "Mi ne vere scipovas ajnan fremdlingvon, sed havas nur supraĵan konon pri ili." , efektive li bone konis kaj povis uzi plurajn fremdlingvojn, kia Esperanto. Ĝis siaj lastaj jaroj, eĉ en la granda aĝo de pli ol 80 jaroj, li ankoraŭ senlace tradukis rememoraĵon “Pasintaĵo kaj Hazardaj Pensoj” verkitan de Aleksandr Ivanoviĉ Gercen. 

    Do, kiel  Bakin lernis fremdlingvojn ? Resume estas tri punktoj:
    Unue, rigora postulo. Je la jaro 1924, kiam Bakin eklernis Esperanton, li starigis al si tre rigoran postulon, ke li legu unu horon ĉiutage, neniam interrompe kaj ekzempleron post ekzemplero. Renkontinte novan vorton en la lernado kaj legado, li tuj konsultis vortaron kaj ne forlasis eĉ unu vorton. Li siatempe havis etvortaron “Esperanta-anglan Vortaron” eldonitan en Edinburgo de Anglujo. Legante esperantan lernolibron kaj literaturajn verkojn, li alkroĉiĝis al tiu vortareto kaj pene lernis vorton post vorto, tiel ke li posedis iom post iom Esperanton.
     Due, ofta uzado. Bakin donis grandan atenton al uzado dum sia lernado de Esperanto. Ĉar legado sen uzado malfacile progresas，tial li ofte korespondis kaj verkis artikolojn en Esperanto. Trapasinte sufiĉe longan tempon， li bonege posedis la lingvon.
    Trie，serioza atento al uzado de vortaro. Ĉiuj scias, ke, se oni ne havas  bonan koncernan vortaron en lernado de fremdlingvo, estas malfacile fari  unu paŝon antaŭen. Ĉirilate, Bakin verŝajne donis pli seriozan atenton al uzado de vortaro ol aliaj lernantoj. Ekzemple, en la letero al sia edzino datita je la 16-a de oktobro, 1953,  li skribis: “Bonvole telefone petu al Zhao Jiabi, ke li aĉetu por mi vortarojn angla-polan, angla-rumanan aŭ rumana-anglan, angla-hungaran aŭ hungara-anglan en Guoji. Kiam mi restadis en Pekino, mi aŭdis, ke elĉerpiĝis tiuspecaj vortaroj, kvankam Guoji vendis ilin. Kaj mi nur aĉetis  vortarojn angla-bulgaran kaj bulgara-anglan. Li donacis al mi vortarojn angla-ĉehan kaj ĉeha-anglan, kiujn li aĉetis. Unuvorte bonvole atentu, ke se troviĝus bonaj vortaroj, bonvolu aĉeti ilin por mi." Tiel nomata “Guoji” aludas ĉi tie al Internacia Librejo en Pekino. El tio oni povas vidi, kiel grandan atenton li donas al fremdaj lingvoj.
    Bakin povis fariĝi granda verkisto, kiu posedis sciojn de ambaŭ ĉina kaj okcidenta kulturoj, kaj samtempe plurajn fremdajn lingvojn pro siaj rigora postulo al si mem, ofta uzado de scioj, kiujn li lernis, kaj serioza atento al uzado de vortaroj en lernado de fremdaj lingvoj.