Mao Zifu

Racia ribelado

simbolon bruligu

por gela korpo

kaj la simbol' stampiĝas

sur volframan koron.

dorsen al la sankto —

nek profanado nek herezo:

buda' nenie ne sin trovas.

la celo sur la globo

estas atingebla

per ne nur unu vojo.

prefere salti kun radia vido

en la puton sekan

ol postkuri blinde

lumulon sur la spur' rutina.

delektas ekspluat' organojn.

eĉ se nenion gajnigas.

sciu. estas specoj

de la vivaĵo: por akuŝi

la idojn ili sin volontas

putrigi.

       lasu min levitacii

en ventro jam tro fekunda.

glosolalio post drinkado

kun muz' pli remaĉigus

ol la klaŭz' laŭ liniilo, eble.

       kiu pli ŝatas

kvadratan bruston?

kurbe-rompo de 1' sperulo

stimulas apetencon.

por vivigo oni tranĉilizas

la bebon ĉe la akceptejo.

budaisma sabro

masakras la sankton

kaj laikon.

      majstro krevinta,

mi volas de vi rabi

la sceptron, kvankam tiu

origine estas nenio.

mi, lamulo, volas

ŝtopi la vakon per vakuo.

filozofa mi ne estas

filozofo. frustracio

igas min stoika.

tempo fluas; aĝo stagnas.

for de la homaro

mi ĝuas, ho, la maron

de la homo.

       sur zena sido

troviĝas kuro maratona.

                        el El Popola Ĉinio, n-ro 2, 1996