此主题相关图片如下：

AKROSTIKA TRIPTIKO
--- Al Kara Li Yuping
(2010-04-19)

Antaŭ dudek jaroj mi sendis
La unuafoje gratulon.
Kaj mi eĉ versante pretendis
Akrostikan sonetformulon.

Refoje mi al vi gratulis
Antaŭ dek jaroj akrostike.
La belaj sentoj akumulis
Inter vi kaj mi kor-amike.

Jen alvenas la tria fojo:
Unika aĝ' antikve rara
Por vi en propra vivovojo. 
Improvizas mi al vi kara

Novan akrostikon kun beno 
Gratuli pri naskdatreveno!

Al Kara Li Yuping
(2000-04-19)

Antaŭ dek jaroj mi sincere
La rimgratulon al vi sendis,
Kvazaŭ hieraŭ! surpapere
Akrostike mi komplimentis.
　
Rapide glitis for paseo.
April’ denove. Al vi venas
La sesdek-jara jubileo.
Interrete mi vin benas.

Jardekoj da labor’ sindona
Utilas por la Nova Sento.
Por ni via rekord’ per-sona
Iĝas jam verda monumento.

Nun mi gratulu per ĉampano,
Glasojn trinku, je via sano !

Al Kara Li Yuping
(1990-04-19)

Alvenas via naskiĝ-festo,
La kvindek-jara jubileo !
Kvankam vi emas en modesto,
Aŭ sol’, ĝin memori (per teo?)

Ricevu tamen bondezirojn
Amikajn, pro ĉi tiu dato,
La plej sincerajn kor-admirojn
Intime de via KONATO.

Jaroj forglitis senrevene.
Utilas nenia vekrio.
Prefere ni fosu pli pene,
Intense por kara Patrio.

Nun devas mi kun beno, laŭdo
Gratuli vin, kaj…”Ĝis reaŭdo !”

2010-04-19 3:18 GZ al Li Yuping
Kara Konantino:
1.En la speciala dato mi sendas al vi specialan donacon <20100419.pdf>.
2.Amikeco je 30 jaroj, merkita per 3 akrostikaj sonetoj.
3.Mi legis nenion similan en versajxoj de fremdaj Esperanto-poetoj.
4.Do, tio povas esti rigardata kiel ia rekordo, ia bela epizodo almenaux en nia cxina Esperantujo.
5.Estas vere malfacile trovi la foton de juna Vi.
6.Mi eksciis vian nomon pli frue. Sed mi unuafoje intervidigxis kun vi nur en 1979. En la fondigxa kunveno de nia HEA, epokfaranta en nia cxina E-movado. Tiam vi venas kune kun la estimata Tikos.
7.En hejmo de Jaricx mi auxdis la Esp-an son-diskon kun via bela deklamo pri <Memore al Norman Bethune>. Mi miras kun admiro: Kiel vi scipovas vocxlegi la nomon Norman Bethune? Ni cxinoj nur scipovas legi Bai Qiu'en.
8.Ni legis ke vi partoprenis en la produkto de la unua cxina Esp-filmo <Glora Festo>, sed ni neniam propraokule vidis tiun dokumentan filmon.
9.Multaj karaj rememoroj preterflugas tra mia retino. Mi ankoraux memoras la figuron kiam vi rolis prezidante en nacia vespero de la 71a UK. En cxina virina kostumo (cxi-robo). Cxu postrestas nenia foto en via propra arkivo? Dum la 71a UK vi ne povis reveni hejme en la nedejxora tempo kaj vi devis promeni sola sur pekina strato por pasigi la tempon. Vi konfidence diris tion al mi.
10. Vi dufoje intervjuis min, 1986 en Pekino kaj Wuhan. Poste tio aperis en CRI (disauxdige) kaj <La Mondo> (papere). Mi sentas honoron. Mi neniam intervjuis vin. Mi sentas bedauxron.
11.Kiam vi veturis al Usono kiel patrinflanka avino de via nepino, vi tenis kontakton kun mi Esperante (cxar la komputilo ne scipovas cxinan skribon). Kiam mi versis al anonima adresato (Sceto), vi legis miajn poemojn voko por revenigi vin, la vaganton en fremda loko kun nostalgio.
12.Inter ni ir-revenis paperaj leteroj en multaj jaroj. Tio farigxis rara korespondajxo, cxar nun oni sendas nur retajn posxtajxon. Por skribi cxi posxtajxon mi ellitigxas fru-matene, same kiel en la neforgesebla nokto de 1964-12-19, kiam okazis la virga E-elsendo de CRI far vi kaj la virga auxskulto far cxina auxskultanto Guozhu. Per tiu cxi posxtajxo mi bondeziras al vi vere
Gxojan Naskigxtagon!
sincere via Bonkonato

439 国际播音李玉萍 Li Yuping 2008-2-19 0:06:48
http://www.elerno.cn/bbs/dispbbs.asp?boardid=10&id=4129